NEHEMIAH l2

Share with:
  •  
  •  
  •  
  •  
  •  
  •  
  •  
  •  
  •  

LESSON 2: October 5 – 11

 NEHEMIAH

 Sabbath Nitaklam Oct 5 
 TUKAALSUNG SIMDING: Nehemiah 1-2; Thuhilhkikna 7:9; Late 23:1-6; Gamlak. 23: 19.
 KAMNGAH: Hihthu ka zakciangin, tusukin kakap niloh a, nitampi sung antangin vantung Pasian kiangah thukangen hi. Ka thungetna ah, “Aw, vantung Pasian, Topa, nang hong itin, nathupiakna azuite tungah, thuciamna limtakin azui, a lian a kihtakhuai Pasian aw.” (Nehemiah 1: 4,5).
 Pasian’ kamciam a tangtunna in, salpan mi pawlnih ciah- kikta uhhi. Pasian in pawlkhatmah a kigingsa in omsaklai hi. A nunungpen pawlte tungah mawhpuaklian khat kipia hi. Amasa nihte in Jerusalem khuapi leh biakinnpi lamkik kipan- thei hinapi a kimkotpan in langdonate hangin semzom thei nawnlo uhhi. A kimkot a gamte in, Israelte peuhmah gam tha- hat gamlian khat hong suak kik ding laulua uh ahih manun, khuapi leh biakinn a lamkik theihloh na’ngun ana buaisak den uhhi (Ezra 4: 6-24). Israelte hong ciahkikna in, amau ading lauhuaina hongsuak hi. Ahih hang Pasianin amite pen, launa khawngtawh mawk khawl ding in a sapkhiat hilohi.
 Tua nasep zawhdong asem dingin, Pasian in, midang khat sapbeh lai hi. Ama min in Nehemiah hi a, Topa adingin nasem ding hi.

 SUNDAY October 6

 NEHEMIAH IN THUSIA ZA

 Nehemiah’ laibuin, Daniel’ laibu tawh kibatna nei hi (Daniel 1: 1, 2) sim lecin thusia omhi. Mi tampi takte in apu apa gamah hong ciahkik mah ta leh ngaisut zahin nuamsa khollo uhhi.
 Neh. 1:1-4 simin. Banghangin Nehemiah lungkham mah- mah hiam? Azak thusiate bangci dawnkik hiam?
 Salmat Jew pawlkhatte pen, Persiate gampi 4 lakpan khat ahi, Shushan gam ah ki koih a, tualai ah Nehemiah zong vaki- helkha in, kumpipa’ haitawi vasem hi. “Ka sanggampa Hanani” cihkhat Nehemiah 7: 2 sungah om a, tua zong Israel mi maimai khat mah hihtuak lel hi. Tua Hanani tawh a kihonate in, Ezra, Jerusalem a tunkik khit, B.C. 445 kum November kha laizang leh December kha laizang ciangdong hun sungteng hihtuak hi. Hanani thupuakna ah, Jerusalem in, a lauhuai mahmah dinmun ah omcih pulak hi. Khuapi kulh a lam- zawkma in, galte in suksiatsak zelzel a, galdal omlo muan- huailo in omzel uhhi. Samaria mite’n zong khuapi kulh suk- siatsak cih kiza a, thukician bel hi samlo hi. Gungal mite in langdona kam a pau manun, Kumpi Artaxerxes in zong tua lamkikna khawlsak hi (Ezra 4).
 Biakinnpi bel kilamlam napi’n, akem acing ding mite khua sung omtheinailo a hih manin, ki zosiang theilohi. Hih thute in, Nehemiah lungsim nasak mahmah a: Jew te’n hong ciahkik pongmawk uh hangin, Pasian’ min thangsak zolo uhhi. Galte a kihtak manun, Pasian innpi leh khuapi siangtho koihdah uh- hi. Nehemiah in Pasian zuanpah hi. Jewte in upna neu hi, meidawi hi cihbangin paulam tuamtuamte zang hetlo in, khukdin in, Pasian tungah thungen hi.
 Hih thusiate tungtangah, Nehemiah in kapkawmin, an- tang, thungen hi. Tua mahbangin, eite’n zong haksatna hunte ah, Topa bangci naih ding cih hong hilh naci hiam?

 MONDAY October 7

 NEHEMIAH THUNGETNA

 Nehemiah 1:5-11 sung simin. Tua thungetna sungah a kilamdang thu bangteng omhiam? Mawhneite lakah amah ki- koihin thu a nget, banghang hi ding hiam?
 1. Pasian aw Nang nalian a, hehpihna nakidim hi. Neh. 1:5.
 2. Kong thunget hong ngai in. Neh. 1: 6.
 3. Mawh pulaakna Neh. 1: 6, 7.
 4. Na thuciamte limtakin nazui hi. Neh. 1: 8, 9.
 3. Kote nong gumzo hi. Neh. 1: 10.
 2. Kong thunget hong ngai in. Neh. 1: 11.
 1. Pasian in hauhna leh hehpihna hong pia hi. Neh. 1: 11.
 Nehemiah thungetna sungah, Pasian liatna hehpihna leh amau mawhna hang a gupkhiatna ding thumna vive a hihi. Daniel 9 sung a Daniel’ thungetnate tawh ki zawitawn mah- mah hi. Nehemiah in kahna thumna tawh panpah lozaw a, Pasian’ liatna, lamdanna leh a thuciamnate kiplet ahihna leh a thumaannate pulak masa hi.
 A thungetna sungah, Pasian’ kamciam tawh kisai in, Nehe- miah in “Ciamteh” cih kammal zang hi. Ka thumanloh uh ciangin nong thehthang a, nong kaikhawm kik in nong thak- suaksak kik hi cihi. Kamciam masa tangtung khin a hih manin, a nihna nong tangtunsak na’ngin, nang kongzuan uh- hi. Pasian’ kamciamte tangtun sakding phawkkik na’ngin Ezra in lau hetlo in pulak hi. Ama’ kamciamte i pulakna hangin Pa- sian lungdam hi. Tuate um in muang ding, gingtak a genkhia dingin hong deih hi. Pasian’ kamciamte pulak zelzelna in, lam- et bei laitakin, muanna hong piangsak hi.
 Tu laitak lianin Pasian’ kamciamna pulak ding na theihpak a om hiam? Tua kamciamte pulak ding thadah lohding banghangin thupi mahmah hiam? Na lungkiat leh bang a ci tam?

 TUESDAY October 8

 NEHEMIAH PAUKHIA

 Nehemiah pen Kumpipa’ haitawipa hi cihi (Neh. 1:11).Haitawi cihbel nasep thupilua hihtuaklo hi mahleh, kumpipa tawh kizopna tampen a, huzaap nei mahmah nasep a hihi.Kumpipa a sukha thei ding, sih theihna dingte a ciam masapa ahi hi. Persia mite in, haitawite pen thupi- sak mahmah a, milianpi mahin ngaihsun uhhi. Et pak dingin, Assyria kumpipa’ haitawipa Esarhaddon zong kumpipa nuai alianpen pa hipah hi. Nehemiah zong ulianpi khatmah nahi a, Jewte ading pausak theihna dingin Pasian kiangah phalna ngen hi.
 Nehemiah 2: 1-8 sim lecin, Nehemiah’ thungetna leh antanna hangin bangthu piang hiam?
 Tua thungetna BC 444 kum Nisan (April) kha sungah kidawng hi.Kinawngkai saknathu, Jewte leh Hanani in Ne- hemiah kiang a pulak khit kha 4 pai ta a, amahin zong tua kha 4 sung antang thungen napi bangmah ki lamdanna ommel lo hi. Pasian’ vaihawmna bel picing mahmah hi. Pa- sian in, Kumpipa’ lungsim nipsak a, a dawnna piasak hi.
 Haitawipa khat tawlkhatsung khawlsak in, gamdang pekah ulian semsak cihpeuhmah pen ngeina zong hi khollo hi. Pa- sian in Nehemiah hopih a, Kumpipa Artaxerxes I in zong, Judah gam ukdingin Nehemiah sawl hi.Kumpinu genna bang hileh, ngeina ahi khollo, zudawn pawi ah kumpinu vakihel thei hi. Nehemiah in Jeru- salem thugen pak tuanlo hi. Kumpipa tawh kisaithu bekmah gen hi.Tua ni in kumpipa kiangah a gen leh, kumpipa’ lungsim kizo tahi.
 Nehemiah leh Daniel’ dinmunte a kibanna bang gen ding inei hiam? Nehemiah’ gamtatnate Kumpipa in pakta ahih- na bangci’n ki pulak hiam?

 WEDNESDAY October 9

 NEHEMIAH KISAWL

 Kumpipa in Nehemiah tungtawnin gungal ukpite ahi, Heronite mi Sanballat leh Ammonite mi Tobiahte laikhak a, Nehemiah’ nasepna a zawhdong galdalsak dingin sawl hi. Tua banah, gamsingmangpa Asaph kiangah zong, kulh leh biakinn kongpite bawlna ding, Nehemiah kisap bangbang, phatsing, dolsing vaihawmsak dingin vaikhak hi.
 Nehemiah 2: 9, 10 sim lecin; Nehemiah leh Jewte in, bang langdona peuh thuakuh cih hihmun in gen hiam?
 Nehemiah in BC 445/444 kimtengin Jerusalem hong tung hi. Nehemiah in sepding a kipattheih ma in, ukpipa kiang pan phalna aki ngetlai pan kipan, langdona ompah hi. Tobiah cih minpen Jew pau in “Topa hoih” cih khiatna nei hi (a tapa min Jehohanan zong “Hehpihna dim Topa” cihna hi) a, Ammonte ukpi sem hi.
 Jerusalem kimkot ah galdim hi: saklampan Samaria gam ukpipa Sanballat, nisuahna lampan Ammon ukpipa Tobiah, khanglam pan Edom leh Mob a len, Arab mi Geshem (Neh. 2: 18, 19) cihte ahi hi. Nehemiah in makai a sepna hangin “a kinengniamte” ading bangmah sepsakthei-tuanlo hi.
 Nehemiah in “Jerusalem hong tunlai in, a kimkotpan dawibiate in hazatna tampitak na nei uh thamlo, mi thupi khat ahih manin, galkapte’n cing hi. Tuate lak pan a siapenpen in, Haronite mi Sanballat, Ammonite mi Tobiah leh Arab mi Geshem cihte ahi uhhi. Hihte in, Nehe- miah gamtatna khempeuh encik vilvel in, a nasepnate koi ci dal theihding cih lampi zongden uhhi” (EGWhite Prophets and Kings, laimai 635).
 Lai Siangtho sungah Pasian ading nasepna akhak ahal om bangpeuh i mu hiam? Sabbathni ciangin nakhaanpih tetawh kikum dihun.

 THURSDAY October 10

 NEHEMIAH NASEM DING KITHAWI

 Pasian in Nehemiah a sap banah, akisam bangbang panpih, vaihawmsak, pilna pia ahih manin, amah daupai mahmah hi. Thungetna leh kidopna tawh mapang hi. Pasian in ompih cih thei gige napi, a nasepna ah mawksep tuanlo in hoihtak ngaihsun in semveve hi.
 Nehemiah 2:11-20 simin. Khuapi kulh lamkik nadingin bang kiginna peuh bawlkhol hiam?
 Makaihzia: Sinna 1: “Ka Pasian in ka lungsim sungah hong suaksakthu kuamah ka genkei hi” (Neh. 2:12) Nehemiah in ci hi. Galte kiangah genlo bek thamlo, Jew makaite kiang na -ngawnah genlo hi.Akul bangbang a semding hihtuak lel hi.
 Sinna 2: Na khatpeuhpeuh mipitung a pulakma in, innpan hoihtak kiging kholsitset khinzo hi.
 Sinna 3: Nasep ding khat a pulak ciangin, Pasian’ makaihna pulak masa a, tua khit teh kumpipa kammalte tawh zomzel hi. Ki-aapna a neihma un hanthotna pia zel hi. A lamdang mah- mah Pasian’ ompihnate hangbek mahin, gal leh sa lakah khuapi leh biakinn a lamkik ahi uhhi. Nehemiah leh mipite’ antan thungetna tungtawnin, Pasian in, lampi a honsak a, amau unzong hangsan takin semngam uhhi.
 Nehemiah 2: 19, 20 simin. Nehemiah’ upna hong koici pulaksak nasa hiam? Thuhilhkikna 7: 9; Late 23: 1-6 leh Gamlakvakna 23: 19 cihte in Nehemiah tungtang bang huhna hongpia thei tam?
 I kampaute in i upna hong lak hi. Nehemiah in laptohna kammal bek pau hi. Mite’n amah nuhnau in ciamnuihbawl mahleh, Pasian’ thutawh mainawt ding amah bangmah lau neilo hi. Galte khawngin, amah neumuh simmawhna kam khawng pau mah taleh, kamsia khawngtawh thuk hetlo in, Pasian’ kammal nusia vetlo hi. Egypt gamah Joseph mah bangin, a Pasian pahtawi ding lau ngeilo hi.

 FRIDAY October 11

 NGAIHSUT BEH DING: Prophets and Kings, laimai, 628-634 sung “A Kampha Mi Khat” cih thulu tawh, EGWhite laigelh si- min.
 Nehemiah pen thunget hatmi a hihi: “Nehemiah in, a mipihte adingin a lungsim sungkhia tawntung hi. A siangtho deihsakna tawh thungetsak den hi. Kumpipa lungkimtheih nading leh Israel mipite thahatkik nading a hih nakleh amah hanciam mahmah hi. Kumpipa’ maiah maipha ngah nading zong Pasian kiangah thungen hi. ‘Tuni in keimah na nasempa hong daupaisak in, hih mipa’ mai ah hong hehpih in’ ci in thungen hi. Ama’ deihnate Kumpipa’ maiah a sunma in kha 4 sinsen thungen in ngak hi” (EGWhite, Prophets and Kings, 629 -630).
 KIKUP DING DOTNATE 
 1. Wednesdayni dotna i dawnna in, Lai Siangtho lui/ thak sungah, Pasian sap mite in bang langdona peuh thuak thei zel uhhiam? Tua bang haksatna thuaklo, Pasian sap mite tungpan bang pilna nangah hiam? Topa’n a nasep zoding hong sap ciangin, lungkiat hetlohna ding bang pilna nangah hiam?
 2. Nehemiah 2: 18 sim lecin, mikhat teci panna in bangzah vanglian a, Nehemiah in a mipih Jewte tungpan bang thapiakna ngah thei naci hiam?
 3. Kumpipa’ huhna lo peuhmah tawh, Ezra leh Nehemi- ah in bangmah hih zolo hi. Thukhatah hihte gel in milimbia mite ukzawhna tawh nasem uhhi. I pawlpi nasepna ah kuakua hi taleh, hong ukzawhnate zangin na i semsiam thei diam? Tuabang isep ciangin, i pawlpi bnagzah kidophuai hiam?
 4. Nehemiah 1:1-11 sungah a thungetna enkik in. Pasi- an tawh a thukzaw kizopna neihtheih na’ng bang hong huh thei hiam? Ki aap, mawh pulak leh kamci- am pulak cihte in bang hong hilh hiam?