TANGTHU HONG PHAWKSAK: ZERUBABEL LEH EZRA l1

Share with:
  • 1
  •  
  •  
  •  
  •  
  •  
  •  
  •  
  •  
    1
    Share

Lesson 1: Sept. 28 – Oct. 4

 TANGTHU HONG PHAWKSAK: ZERUBABEL LEH EZRA

 Sabbath Nitaklam Sept. 28 
 TUKAALSUNG SIM DING: Jeremiah 25: 11, 12; Daniel 9: 1, 2; Ezra 4: 1-7; Isa. 55: 8, 9; Ezra 7: 1-28.
 KAMNGAH: Persia kumpi Cyrus in hibangin ci hi; “Vantung Pasian Topa in, leitung kumpigam khempeuh keima tungah hong piakhin a, Judah gamsung Jerusalem khua ah ama adingin biakinn khat ka lamsak dingin hong sawl hi.” (Ezra 1: 2).
 Jeremiah laibu sungah Pasian in, amite, Babylon ah kum 70 sal a tankhit uh ciangin ciahkik dingin kamciam pia hi. A ciahkik theihna dingthu kumpipa Cyrus in pia ding hi. Pasian sathau nilhsa (Isa. 45: 1) Cyrus in BC 538 kumin, Pasian’ mite suahtakna pia a, a gamvuah ciahkik in biakinnpi thaklam dingin thukip pia hi.
 Biakinnpi aki thaklam nading a thupia Pasian (Cyrus hilozaw) hizaw hi. “Jerusalem kilamkik ding a, biakinn pen, Na bulpi ki phutkik ding hi” (Isa. 44: 28). Biakinnpi ki thaklam na’ng in Pasianin, kumpipa Cyrus lungsim tokin, phalna pias- ak hi.
 Pasian’ sawlna a mang lianliante imuh ciangin thangah huaimahmah hi. “Tua ciangin Judah leh Benjamin sunga inn- kuan lutangte, siampite leh Levi mite, Jerusalem ah Topa’ bia- kinn a lamkik dingin, a lungsim sunguh ah Pasianin a sua- hsak mite khempeuh a kikhawm uhhi” (Ezra 1: 5).
 Hihtengah, Pasian sawlna lianpi thumang takin a semte i mu thei hi. A hoihpen in septheih nadingin, Pasian in itna tak- tak tawh amite’ palai sepsak tawntung a hihna phawk ding a kisam hi.

 SUNDAY September 29

 SALPAN A CIAH MASATE

 Jeremiah 25:11, 12; 29: 10 leh Daniel 9:1,2 simkaak in. Salpan a ciahkik masak bang hun haim? Tua ciahkikna in bang genkholhna tangtungsak hiam?
 Tua ciahkik masak nadingin, Topa in kumpipa Cyrus thu- zawh in phalsaka, kamsang Jeremiah kum 70 genkholna tang- tungsak hi. Judah gam kum 70 sung hawm ding a, Babylon khutsung tungding (606-605 BC leh 537-536 BC ah tangtung) a, tua khitciangin Pasianin a ciahkik na’nguh lampi honsak kik ding hi. Daniel in Jeremiah lai a sim ciangin, ciahkik na’ng kamciam namu hi. Daniel 9 sungah, kum 70 hunte bangmah kikheelna meel omsalo a, kumpi gamthak Persian Empire bang hongtung khinliang hi. Tua ciangin Daniel in Pasian kiangah a kamciamte tangtungsak dingin hehpihna ngen hi. Daniel 9: 24 -27 sungah, Pasian in tuate thei a, ngiimna zong nei ahihna, amau mawhnate ading a sihsak ding cihte ngiimna nei ahihna nalak hi. Pasian in Daniel kiangah, “lungkham ke’n, gumpa taktak (Zeisu) hongpai ding hi” ci hi. A sawtlo in Pasian in, Cy- rus lungsim khoih in salte suahtak na’ng thupia sak hi.
 Ezra 1 sungah Israel mite kikhahkhia in Jerusalem ah ciahkik in, Topa a ding inn lamding cih kiciamteh hi. BC 539- 537 kikal sungtengah Thu kipia hi. Cyrus in mawk ciahkiksak beklo in, biakinnpi sungpanin Nebuchadnezzar laksa vank- hem peuh leh vandang a tuamtuamte piakik hi. Egypt pan a pusuaklai in, van tampi a kipiak hong phawksak kik hi. Hih ciahkikna masa ah numei naupang tawh mi 50,000 bang ahi uhhi.
 Lai Siangtho sungah bang kamciam dang a tangtung omhiam, ama kamciamte muang peuhleng, ama’n i mailam thukhempeuh hong theihpih gige cih khamuanna koici ngahtheih ding hiam?

 MONDAY September 30

 KUMPITE LEH THUPIANGTE

 A ciahkik masate in Pasian biakinnpi lamkik ding mawh- pua uhhi. Biakinnpi a lamkikna ah langdona tampite i damsin lai dinghi. Tu in Persia kumpi kilaihna in biakinnpi lamkikna bangzah subuai cih i sin ding hi. Ezra leh Nehemiahte nungah bangthu omcih theileng amau thupuakte thupitna i telzawsem dinghi.
 Ezra 4:1-7 simin. Biakinnpi lamkikna a langdo kumpi kibanglo teng kuateng hiam?
 Anuai ah Persia kumpite a hun kizom diudeu in min kigualsuk hi. Ezra leh Nehemiah laigelhte tawh kizopna a nei hi. Babylon gam Cyrus in BC 539 kumin a zawh teh, Persian gam hong kipan hi.
 Cyrus II the Great, (559-530BC);
 Cambyses II (530-522) BC;
 Darius I (522-486BC);
 Xerxes I (485-465) BC (Esther tangthu sungah Ahasuerus kici)
 Artexerxes I (465-424) BC.
 Ezra in, hih kumpite a khangzui dimdiam in laklo hi. Ezra 4:6-24 sung biakinn lam a kilangdona thute bangpen alian 5 sung thute sangin masazaw hi. Ezra 4 sung a, Xerxes I (Ahasuerus) leh Artaxerxes I tepen, Ezra 5,6 sung a kumpipa Darius I thute khit ciang hipan lai hi. Hihte in mitampi lung- sim buaisak mahmah hi. Tu quarter sungteng sinphot leng, a thupiangte a kizom dimdiam in tel leng, Ezra leh Nehemiahte thupuak i telpha zawdiak ding hi.
 Lai Siangtho sung thute in nalungsim hong buaisak ngei hiam? Cih na’ng natheihloh khatpeuh hong pian ciangin, Pasian muan dingna kisin ngei hiam?

 TUESDAY October 1

 A NIHVEINA HONG CIAHKIKTE

 Ezra 7:1-10 leh 8:1-14 sungtengah, kumpipa Artaxerxes I in, BC 457 kum in, Ezra leh a-ut khempeuh Jerusalem ciahkik theihding phalna pia hi. Kumpipa leh Ezra kizopna ei theihpih tampi omkhollo hi. Ezra 8 sungah hong ciahkikte ki ciamteh a, Siampite masa in, kumpi uliante’n zui a, mipite’n zom hi. Inn- kuan 12 ki ciamteh phadiak a, Israel nam 12 teng phawkna hihtuak hi.
 Pasal 1,500 bang pha uh a, numei naupang tawh 5,000 leh 6,000 kikal hihtuak hi. Zerubbabel leh Joshua tawh a ciah masate sangin tawmzaw thampek hi.
 Ezra 7: 1-10 simin. Ezra’thu bang omhiam?
 Ezra in luahsuk siampi leh lai-atpa a hihi. Israelte’ siampi masapenpa Aaron suan siampi mah hipah hi. Ama’ laibu sun- gleh Jewte’ tangthu sungah Ezra in mi thupi khat a hihi. Kumpipa Artaxerxes’ lai-atpa ahih namel ki theilo hi. Hih alai- bu i sim ciangin, a sepngeisa lai-at nasep semzom bangin a siamnate kidawk hi. Kumpi Artaxerxes tawh nasemkhawm ngei ahih manin, Israelte ciahkikna makai ding a ki sawl zong hihtuak hi.
 Ezra 7: 6 leh 10 in, amahpen a “siam” leh a “kipia” lai-atpa aih keileh Siapa hihtuak hi. Siam icih teh, thuciapteh leh zaksak “manlang” cihna a hihi. A lungsim manlang, muhna zai leh Pasian’ thukham itpa a hihi. Israelte ciahkikna makai ding a kiteelna mahmah in tuabang a hihna hong lak hi.
 Ezra in “Pasian’ thukham sin in, zuihding kipia” (Ezra 7: 10) ahihna phawkin. Tuathu nang nuntakna sungah nakoici zatsawm hiam?

 WEDNESDAY October 2

 ARTAXERXES’ THUPIAK

 Ezra 7: 11-28 simin. Kumpipa’ thupiak sungah bang kihel hiam? Tuate Israel mite’ ading in banghangin thupi hiam?
 Artaxerxes’ thupiak in Cyrus’ thupiak masak tawh kinaih hi. Kumpipa in a ut khempeuh, a diakdiak in siampinam pan ci hi. Marashu’ ciaptehna bang hileh, Jew a tamzaw in, Persia gamsungmah ah (Esther’ tangthu sung ombang) nuntakna’ng zongin omsuakzaw uhhi. Kumpipa in Euphrates gungal khempeuh a-om, sumkemte tungah, Ezra in “Topa’ biakinn tuabangin a minthang thuah dingin” (Ezra 7: 27) a kisap bang- bang vaihawmsak dingthu pia hi. Pasian’ thukham ahi a, gam’ thukham ahi zongin hoihtak zui dingin, kumpipa in, Ezra tun- gah mawhpuak a dimin a pia hi. Hih thupiak in, kipawlna khatpeuh ading thupi mahmah banah, Israelte in a gamuh puah phat kik nading in lampi a honsakna a hihi.
 Khuapi leh biakinnpi puahphat kik ding thu a piak manin, Ezra’ Pasian pen kumpipa’n um ahi diam? Ataxerxes in “Jerusalem a teng Israel’ Pasian” ci ngiat ngiat hi. Kumpipa kammal zatte in, Pasian pen, thoih akulden tualsuak pasian khat in mu cih kitel hi. Amah leh atate tungah tualsuak pasi- ankhat a hehsak noplohna a hihi (Ezra 7: 23). Tua banah BC 457 kumin, Egypt te’n, Persia kumpi langdo citciat uh himah taleh, Judah gambup in Persia kumpi tungah thuman citakna ngahna’ng zong hihtuak hi.
 Kumpipa in, Ezra leh Nehemiah tawh kizom mahmah hi napi in, Pasian um zolo hi. Laisungah thu-um mikhat a suahna omhetlo a, Pasian in thu-umlo mite zong zangthei veve cih ciangbek ahi hi.
 Natna leh thuakna tampite lakah, Pasian in leitung khempeuh ukhi ci in imuhna tungtawnin, Amah i koici muantheih ding hiam?

 THURSDAY October 3

 PILNA THUPITNA

 Ezra 7:6 leh 10 simin. Hih munte in, biakna lam pilna neihding bangzah thupi cih honglak hiam?
 Ezra in, Pasian tungah a ki pumpiak mahmah leh, Pasi- an’thu banglian in siamsin, khentat a gamta pa a hihmah bangin, Israelte lakah nasem dingin nakilawm mahmah hi. EGWhite in a kitelzaw dingin a genna ah: “Aaron suan ahi Ezra in siampi sinna aneih banah, bumtawi, aitawite, aksi khutlam et pilnate zong, Medo-Persia mipilte kiangpan sin- ngei hi. Ahihhang tuate tawh lungkim zolo a, Pasian’ tungah ki pumpiakin, ama deihna bawl dingbek ut hi. Tua ahih manin ‘Ezra in, Topa’ thukham sinin zuihding leh, Israel mite ahih dingin amah kipia hi’ (Ezra 7: 10). Tua in kam- sangte leh kumpite tangthu ciaptehnate kisin dingin Ezra lawpsak hi. Israelte tangthu sungah, Topa in, Jerusalem kisiat ding a phalnathu amite lawki gamte ah saltan ding a deihna thuteng a mukhia hi.” Prophets and Kings 608.
 “Anuntak sungteng, haksatna tampi lakah kiptakin omin, Pasian thubu hoihtak in kisin hi. Thukhambute an- gah zahzah kaikhawm in, bu tampi bawlin hawmkhia hi. Mi tampite in Lai Siangtho bu neisak a, genzawkloh pilna tam- pi khangsak hi.” laimai 609.
 Milimbiate upnate kisinkhin hi napi, diklo hi cih mu in, Pasian’ kammal leh thukham sungpan thuman thutak zongzaw hi. Milimbia bumtawi aitawite laigelhte zong hoihthei mahmah hi napi, thuman thutak hihetlo cih amuh manin, tuate sinzom nawnlo hi.
 Tuni tu hun in zong leitungte’ honghilh thute koici bangin sinlo in i omthei diam?

 FRIDAY October 4

 NGAIHSUT BEH DING:

 EGWhite, “Ezra, Siampi leh Laitheipa” cih thulu Prophets and Kings, laimai 607 – 617 simin.
 Ezra in kuhkal takin a nasepnate ngaihsun in: “Ezra in Pasian’ Kamtaipa hong suak a, vantung ki ukna pilnate mite hilh hi. A khan tawntungin a omna peuhpeuh ah laihilhsia semhi. Thuman thutak mite a hilhsawnna tungtawnin, ama siamna zong khanbehbeh lai hi. Lai Siangtho thuman thutak teci pangpa hong suak hi.” EGWhite. Prophets and Kings, laimai 609.
 “Tuni tu hun adingin, mawhna awlmawh selo in omsak ziaulo, ei hong khanglosak ding leh Pasian a zaktak mi, Ezra leh Nehemiahte bang mi, i kisam hi. Mawhna a kibawl ciangin, paulo hamlo in omziaulo, zuau itna puantungsilh khawng tawh siin ziaulo mite nasep ding ahi hi. Pasian in, mi maitang zahtaktuam neilo cih thei in, mi tawmkhat tungah nasia takin khauhpaina in, mi tampite tungah hehpihna lak thei ding hi. Siatna deihtak a nial mite tungah Khazih’ Kha hong kilang ding hi.” EGWhite. Prophets and Kings, laimai 675.
 KIKUP DING DOTNATE
 1. A lamdang mahmah Topa’ kamciamte tampitak i nei hi. Tua mahbangin Topa in kuamah peuhmah zawh thawhthu in hong hih hetlo hi. Tua ama’ hong kamci- amte a tangtun theih na’ngin, bang teelsiamna i neih a kul diam?
 2. Daniel 9: 1 – 23 sung a thungetna simin. Nangma adingin nazattheih pahding bangthu namu hiam? Dan- iel in bang hih a, bang lungsimpuak nei, bang ngen cih- na hi. Tu hun in i zattheih ding bang a om tam?
 3. Thursdayni sinna sungah, EGWhite tungtawnin, Ezra in a nasepna ah a kuhkalna, Pasian’thu a bulphuhna cihte i mukhinzo hi. I pawlpi leh eimahmah adingin, Pasian’thu bulphuhna in bangzah thupi cih hong musak hiam?