KAMMALTE SIM l6

Share with:
  •  
  •  
  •  
  •  
  •  
  •  
  •  
  •  
  •  

LESSON 6: November 2 – 8

 KAMMALTE SIM

 Sabbath Nitaklam November 2 
 TUKAALSUNG SIM DING: Nehemiah 8: 1-8; Thuhilhkik 31:9- 13; Mate 17: 5; Sawl. 8: 26-38; Neh. 8: 9-12; Siampi 23: 39- 43.
 KAMNGAH: “Amaute in Pasian’ thukham laibu sungpanin, a kiteltakin simuh a, a cihnopna a kitelin gen uh a, tua a kisim thute a tel nadingun a hilh uh- hi.” (Nehemiah 8:8).
 Jerusalem khuapi kulh ki zosiang tahi. Nehemiah’ makaihna tawh, kongpite pan kipan, nakhempeuh zo siang tahi. Kulhpi a ki zawhsiangna a kimkot gamte in a theih uh ciangun, “Pasian’ huhna” (Neh. 6: 16) cih mu uhhi. Langpanna leh hazaatna genzawhloh nasia mahmah kawmkalah, Israelte in, a nasepuh zo teitei uh ahih man un, a Pasian uh pen om- taktak hi ci uhhi.
 Khuapi kulh a zawhkhit phetin, khuapi ukdingin, Nehemi- ah in a sanggampa Hanani koih a, kulh cing dingin Hananiah koih hi. Amaute gelpen khangzui peuh a kiteel hihetlo a, mici- tak, mi muanhuai, Pasian kihta mite (Neh. 7: 2) a kiteel ahi uhhi. Kulhpi pen khaguk kha Elul kha sungin ki zo hi (Neh 6: 15).
 Tua khit teh bang nasep peuh a omkik tammaw? Nehemi- ah a lian 8 pan 10 na sungah, kha sagih kha Tishri kha (Nehemiah 8: 2) sungin nasep thupi kipia leuleu hi. Pasian’thu a manuh ciangin, lungdamna lianmahmah a hihna hih san- takah ki mu thei hi.
 SUNDAY November 3
 MIPI KI KAIKHAWM
 Nehemiah 8:1,2 sung simin.Hih mun in, Pasian’ kammal pen mipite ading thupi a hihna hong bangci lak hiam?
 Jewte in khuapi kulh kizo khin cihlian leh, Jerusalem ah hong ciah ngeingai uh a, kha sagih kha sungin, khuapi laizang mun-awlna ah hong ki kaikhawm uhhi. Kha sagihna Tishri kha pen Israelte ading kha thupipen kha ahi hi.A kha nikhatni Pengkul ni (Pasian thukhenni ading kiginna ni), Mawh Sawpsiangna ni(a nisawm ni, thukhen ni), Buukpawi ni (ni 15 ni, Egyptpan suahtak ni) cihte a om hi.A nikhat ni Pengkul pawini in,beh makaite in, mipi kaikhawm a, Pasian’ thu- khamte simin, Pasian thu leh khang tangthute kisin uhhi.
 Pasian thukhamna a kisin theihna dingin, thukham laibu hong paipih dingin, Ezra kiangah ngen uhhi.Tua adingin, tau- sang bang bawlsakliang uhhi. Makaite in mipite zawhthawh sawl lozaw a, “mipite” in laibu hong paipih dingin, Ezra sawl- zaw uhhi. Sinai mualtungpan a Moses hong lakkhiat, thu- khamna laite, mipite tungah, Ezra in simkhia hi.
 Thuhilh kikna 31: 9-13 simin. Topa in amaute tungah bang gen a, eite ading bang pilna i la thei diam?
 Thuhilhkikna 31: 9-13 sungah, Moses in, Israelte kaingah, Buukpawi sung teng amau kikaikhawm in, Pasian thukham simsak hi. Papi pawl, nupi pawl, naupang pawl leh namdangmi pawl cihbangin kikhensak in, thukhamna simsak uhhi.
 Nehemiah 8: 1 sungah “khe khatkhai bang” in kikhawmtuah diam uh cihi. Thu um mite a ki pumkhatna in bangzah thupi cih hihthu in hong koici hilh naci hiam?
 MONDAY November 4
 THUKHAMNA SIM IN NGAISAK
 Ezra in “thukham laibu” mipi mai ah hong paipih hi. Thukham sawm teng bekbek zong nilang sungbang simkikik mai hi. Moses laibu tengpen, thukham laibu kici a, Piancil pan Thuhilhkikna dong, Hebrew pau in Torah kici hi. “Thukham” ki ci kammal in zong tawmno sungbek hi a, a kitelzaw dingin “kihilhna” cih huai zaw hi. I mailam kalsuanna ah ngiimna bulpi i taisuah lohna dingin lampi hong hilhna hi zaw hi. Khang tangthute a simkhit uh ciangin, amaute pen, Pasianin a piansak pan kipan, Joshua hun kantan in amau hun dong Pasian’ mite ahihna uh telsiang uhhi. Tangthute, late, paunakte, thupha leh thukhamte tung- tawn in, Pasian in amau tungah citak ahihna mu uhhi. Torah laibu sungah “thukham” kihel a, tua banah, Pasian mite Pasian makaihna tangthute kihel lai hi.
 Nehemiah 8 : 3; Thuhilhkikna 4:1; 6:3,4; Joshua 1:9; Late 1:2; Paunak 19:20; Ezekiel 37:4; Mate 17:5 cihte simin. Hih mun tengin Pasian kammal bangin i kizop theih daan ding bang khawng teng hong hilh hiam?
 Ezra in hong tunpan kipan Pasian’ kammal simkhiatna a neih kum 13 bang phata ahih manin, mipite’n zong zak- nophuaisa uhhi. Ki-aapna taktak tawh mipite’ khantohna khat peuhpeuh a omtheihna’ng ci in hanciam mahmah ahih manin, Ezra tungtawnin, Pasian omtakpi cih hong telcian uhhi. Mipi te’n zong Pasian’ kammal ahih manin, zaknop samahmah uh- hi. Tua manin Torah laibu simdingin hong kipia uhhi. Pasian’ kammal sungah kibualna in, i nuntaksung Pasian tungah ki aap nopna hong piangsak hi.
 Pasian’ kammal tawh bangzah nakizom hiam? Um ding nakhentat manin, tua khentatna in, Pasian kammal tawh hong kinaisak zaw nasa hiam? Lai Siangtho umkei zenzen lecin, tu ananuntakzia tawh bangzah ki lamdang in nungta dingin naki um hiam?
 TUESDAY November 5
 PASIAN’ KAMMAL SIMIN LETKHIA
 Nehemiah 8:4-8 simin. Thukhamna laite koici simkhiat uhhiam?
 Mi 13 ta apha pawlnih in Ezra dinpih uhhi. Mi 13 apha, pawl masa in (Nehemiah 8:4), Pasian’ kammal simkhiatpih uhhi.
 Mi 13 mah apha pawl nihna in (Nehemiah 8:7), laigualte a kitel- zaw dingin hilhcian uhhi. Mun awlna ah bangci bangin mi kigual cih ciangdong i theihpihloh hangin, ahuh mipawlnih te’n bel, Torah laibute nuamtak a simtheih na’ngun, hoihtak tawisak (laibute gol in gik a hih manin, midang in tawisak honsak kul) uhhi. Zingsangpan kipan sunlang dong kisim ahih manin, tua mun-awl ah mipite hong kikhopuh kul hi. A kitel in genuh a, a telna dingun hilh” cih zong (Neh. 8: 8) a ki- tel dingin phen, letkhia cihna ahi hi. Tua abang ahih theihna dingin amaute in, sawtpi a teenna uh Babylon pan hong ciah tuung uh hi a, laibute pen Aramaic pau ahi hi. Hebrew pau tawh a kisim kammalte, khangno lamte in telpha nawnlo uhhi. A simkhiate mahmah adingin zong, amau ading phattuamna ngah thei bek thamlo, angaite nuntakpih theih ding lamlak thei pah uhhi.
 Sawltak 8: 26-38 simin. Hih santakah, tanglai Jerusa- lem a thupiang tawh a kibang bang om hiam? Eite pilna ngah theihna’ng bang omding hiam?
 Ei Christian te in, Pasian’ kammalte eima lungsim sung ciatah i tel sitset a, mi khat peuh in hong sawlbang-bang khawng peuh asang mawkmawk ihi kei hi. Midang hong hilhcianloh in telcian ding zong haksa a hih manin, midang in, i telcian theihna dingin, hong hilhcian ding kisamlo cihna hituanlo hi.
 WEDNESDAY November 6
 MIPITE’ DAWNKIKNA
 Ezra in, Pasian kammal, Hebrew lai tawh kigelh Torah lai- bu ahon ciangin, mipite dingto uh hi. Ezra in a simkhiatma in, Pasian a phat masa hi. A simkhit ciangin mipite in a khutte vantung lamah lamtosa in “Amen, Amen” (Neh. 8: 5,6) a ci uhhi. Tua khit ciangin a lute uh lei ah ngasuk in, Pasian abia uhhi.
 Nehemiah 8: 9-12 simin. Banghangin mipite “dah in kap in”a omloh dinguh, makai te’n vaikhak hiam?
 “Babylon pan hong ciahkik mipite maiah, Pasian’ thu- khamna laite a kisim khiat ciangin, mipite’n amau’ mawhnate uh phawkkik uh ahih manun, dah in kap uhhi. ‘Tuni pen Topa, note’ Pasian adingin biaknani siangthoni ahihi; akap amau om kei un.. Tu in ciah un. Anlim tuilim ne in thadim unla, anei zolote zong vakholh un. Topa adingin tuni pen biak- na ni siangthoni ahi hi. Topa hongpiak lungdamna in note hong thahatsak ding hi’ (Neh. 8:9,10)” EGWhite,The Ministry of Healing, p. 281.
 Mipite in Pasian kammalte a zakuh ciangin, a mawhnate un alungsimte uh sukha lua in, kap uhhi. Pasian eitungah hong kilaak ciangin, hong itna, ahoihna, hong hehpihna, a thumaanna leh eite kicinlahna khempeuh phawkin, i mailam hong piang ding lauhuainate i mu thei hi. Tua muhtheih phawktheihna in Israel mite dahsak kap sak ahih manin, “Topa sungah lungdamna in na thahatna uh ahihi” (Neh. 8: 10) ci in hanthawn hi.Pasian’ vangliatna a muan dinguh bek kisam hi.
 Tuani pen nituam vilvel, siangthoni, Pengkul Ni (Rosh Hashana) hi a, tuani in pengkul a ki tum ciangin, Tishri kha ni 10 ni, mawhphelna ni adingin, “lungsim” kipuahphat ni ahi hi. Pengkul tum ciangin, ki puahphasa in, Pasian’ maiah ding- ding uhhi. Tuani pen Pasian kiang zuatkikni ahi hi. A kisik nak uhleh, Pasianin za a, mawh maisakna sungah alungdam dinguh hi lel hi.
 Mawhna in bangzahta in sia a, Zeisu nangawn singlamteh tungah khaito zo in, tua bekmah in mawhna pan hong suak- tasak zo cihthu bangzah natel hiam?
 THURSDAY November 7
 TOPA SUNG LUNGDAMNA
 “Topa sung lungdamna in na thahatna uh ahihi” (Neh. 8: 10) cihthu in, i nuntaksung lungdam tawntung ding Pasian’ deihna cih hong lak hi. Thudang tawh lungdamna hilo in, Pasi- an’ hong itna theitel in lungdamna ahi hi. Pasian hoihna leh nisim hongpiak thuphate khempeuh ading kipaakna ahi hi. Tua bang lungdamna in i mai hong suak ding thute hong maingat ngamsak hi.
 Nehemiah 8: 13-18 sim le cin, bangthu piang a, tualai hun a mipite leh makaite tangthu bangteng hong theisak hiam?
 A zingciangin, Pasian’ laibu sungpan thusin dingin, makaite, Ezra kiang hong pai uhhi. Tuabang ahihna in, mipite Pasian lamah makaih nuam cihna ahi hi. Pasian makaihna leh Pasian piak pilna a zonkei peuhmah vua leh mipite thumaan lampi ah paipih zolo ding cih kitel uhhi.
 Siampi. 23: 39-43 simin. Israelte bang hih dingin kisawl hiam? Banghang hiam?
 Nehemiah 8: 15 sungah, “Lai Siangtho bang” in gamta uh cih kilangsak hi. Thumanlohna hangin, migam mi leitangah saltang in a omnate uh pan pilna tampi ngah khinzo uh a, tu in Pasian’thu mangnuam mahmah ta uhhi. Siampi laibu sun- gah om bangin, “Pasian’ mai ah ni sagih sung lungdam ding” (Siampi 23: 40) ci hi. Pasian in amaute ading a sepsaksa khempeuh adingin lungdam takin omding uhhi.
 Zeisu sungah hong kipiasa khempeuh ngaihsunpha kik in. Israelte pawi khempeuh in Amah kawk hi. Haksatna nakpi takin i thuak laitak nangawn in, Ama sungah i lungdam theih danding ngaihsun in.
 FRIDAY November 8
 NGAIHSUT BEH DING: EGWhite lai, Prophets and Kings, laimai 661-668 sung ah, “Pasian Thukham tawh Kihilh”cih thulu simin.
 “Pasian kamciamte muan ding kisam hi. A kisikkikna uh Pasian in sang khinzo hi. Mawh maisakna leh puahphat kikna sungah lungdam ding uhhi. Topa kiang ciahkikna maan tak- tak ahih leh, lungdam mahmah ding uhhi. Mawhnei khatin Kha Siangtho sapna a saan leh, lungsimsung encianpa sianthona hangin, ama mawhna hong kitelcian dinghi. Mawh- na daan thuakding bek ahihlam kiphawk ding hi. Ahih hang, lungkiat keei ding zong hizawlo a, mawh maisakna a ngahkhin luazaw na hizen hi. Tua mawh maisakna leh Pasian’ itna sun- gah nuamlua mahmah dinghi. Mawhnei napi a kisik mi, Pasi- an in itna sungah kawi bikbek in, a liammate tuamsak in, a mawhnate sawpsiangsak in, hotkhiatna puan tawh tuam hi” (EGWhite, Prophets and Kings, laimai 668).
 KIKUP DING DOTNATE 
 1. “Topa sung lungdamna” (Neh. 8: 10) na thahatna dingin, banghun in ngahthei ding hiam? Pasian’ vangliatna leh a mawh maisakna ngahtheih na’ngin, i sepding aom diam? Bang ahi tam maw?
 2. Mawhna adingin dahmahmah laitakin, Topa sungah ih lungdam veve thei ding hiam? Hihte gel kikeelkii keei hilomaw? Thukham leh lungdamthu in bang lam honglak hiam? (Rom. 3: 19-24).
 3. Nehemiah 8: 10 i sim ciangin, ‘Tuni pen Topa, note’ Pasian adingin biakna Ni Siangtho Ni ahihi; akap amau omkei un… Tu in ciah un. Anlim tuilim ne in thadim unla, anei zolote zong vakholhun. Topa adingin tuni pen biakna Ni siangtho Ni ahi hi. Topa hongpiak lungdamna in note hong thahatsak ding hi’ci hi. Anlim tuilim ne un, anei zolote zong vakholh un. Topa adingin tuni pen “Ni Siangtho” hi cih kammalte in, Topa sun- gah i lungdam dingzia, bangpeuh hong hilh naci hiam? “Siangtho” cih kammal bang a ci nuam ahi tam?