LUNGSIM THUKHAM PALSAT  l5

Share with:
  •  
  •  
  •  
  •  
  •  
  •  
  •  
  •  
  •  

LESSON 5: October 26 – November 1

 LUNGSIM THUKHAM PALSAT

 Sabbath Nitaklam October 26 
 TUKAALSUNG SIM DING: Nehemiah 5: 1-5; 5: 7-12; 5: 14-19; Paikhiatna 21: 2-7; Micah 6: 8; Thuhilhkikna 23: 21-23.
 KAMNGAH: “Tuni mahmah in a lote, a olive lote, a innte uhleh a meet in na lakuh sum, an, lenggahzu leh sathaute, amau tungah piakik un” kaci hi. (Nehemiah 5:11).
 Hauhna leh zawnna, mizawng leh mihau kikal a ki lamdanna te tuni ciangdong mah mite’n lung himawh mahmah uhhi. Zeisu in bel “note lakah mizawngte om tawntung hi” (Mate 26: 11) cihi. Mizawngte huhse kullo danin kingaihsun zaw phial hi. Lai Siangtho in bel, eilam sepding peuhmah pelhlo ding deih hi. Ei leh ei Christian i kici ngam diam?
 Jerusalem lamkikin a buai mahmah kawmkal ah, mizawng mihau ki deidan na bek hilo in, mihaute in mizawngte sim- mawhbawl uhhi. A saltan mapekpan kipan a omsa khat hi a, a ciahkik uh ciangin zong hong thokik hi.
 Tu kaalsung tengin, thukhun lui, Nehemiah nasep daan, tu hun a kizangte i sin ding hi. I simsuksuk kawm in, tua ki nenniamna a sukzawsak laimal “thukham laimal” peuh vangliansak zawlo in, Zeisu’ nuntakzia kilangsak zaw ding hi.

 SUNDAY October 27

 MITE’ LUNGKIMLOHNA

 Nehemiah 1: 1-5 simin. Hih tengah bang thu piang hi- am? Mite’n bangthu hangin kap uh hiam?
 Mipite in, Nehemiah’ makaihna sungah, ki pumkhat in langdonate maingat uhhi. Pualam pan hongpai simmawhnate langkhatah ki pumkhat mahleh, a sunglam ah bel, ki thutuak khollo uhhi. Pualam gal nakpitak dokhawm hi napi, a sunglam a kitamhsa ahi hi. Makaite leh mihaute in, amau meetna dingin mizawngte zang thei mahmah uh ahih manun, mi zawngte in suahtakna dingin kap uhhi. Innkuan pawl khat in bang annek ding zong neilo uhhi. Pawlkhatte leuleu kial tun- sungin inn leh lo zuak khin in, bangmahnei nawnlo uhhi. Pawlkhat in, Persian kumpi tungpan sum tawi la in, atate uh sal tangsak uhhi.
 Haksatna hong tunna bulpi in, kialpi leh phiangsiah hi a, kumpi tungah siah a piak zawhloh uh ciangin, vengte kiangpan leitawi la uhhi. Persia kumpi in zong a siah, Judah gam adingin, kumkhatin ngun dangka 350 (Neh. 5: 1-5) la uh- hi. Phiangsiah pia zolopa khat in, leitawi zong masa hi. Kum- khat a piak zawhloh khit, a kumkik ciangin, a leibatsa ading vaihawm kulpah hi. Leiba taang in salsuah zong kulzel hi. Leitang a taanuh ciangin, atate sal dingin paisak in nasem in leiba loh uhhi.
 Eima nasep khat peuhpeuh hangin haksatna khatpeuh i thuak thei hi. Eima khialhna omhetlo in zong kinatlawh gawp- gawp thei hi. Atung a bangin, kumpithu tawh haksatna thuak- lawh in, a zawnlawh mi zong omthei hi. Zawnna khau in amau mancip in, suahtak na’ng lampi omtheilo hi.
 Sum leh pai vai in a nencip mite bangzah hehpih huai hiam? Lai Siangtho in a gengen hi thute tungpan bang thupuak peuh i ngahthei tammaw?

 MONDAY October 28

 LUNGSIM THUKHAM LANGDO

 Nehemiah 5:6-8 leh Paikhiatna 21:2-7 simkhawmin. Bang hangin Nehemiah heh mahmah hiam?
 Tuni tu hun teh i zat nawn kholloh hang, sal cihpen tan- glai panin kizang mah mah hi. Nu/Pa gel in amauteek ahi a, tate khat peuh ahi zongin, sal in kizuak ziau uhhi. Nu/Pa in atate sal a zuak theihna’ng thu nei uhhi. Hi mah taleh, Pasian in, a kizuaksa sal khempeuh, kum sagih a cin ciangin khahkhia ding cihi. Mikhat a khantawn a sal a suak theihloh- na dingin, Pasian’ vaihawmna ahi hi.
 Leitawi dingpen, thukham in phalmah taleh, a meet laakding phallo (Paikhiat 22: 25-27; Siampi 25: 36, 37; Thuhilhkik 23: 19, 20) hi. Tua amau sum meet kilakte in, a kimkot gamte phiangsiah don tawh tehkaak leng tawmlua lel hi. Khasim sumlut, 100 ah khat kidong ngiatngiat hi. Kum za- lom 7 hunsung, Mesopotamia kumpi phiangsiah bang pen, kumsim in, ngun 100 ah 50 leh antang 100 ah 100 himai hi. Kumkhat 100 ah 12 cihpen tawmlua lel hi. Lai Siangtho sun- gah a gengen mite a phunphun napi pen, summeet (Neh. 5:10) lakna ahi hi. Na khempeuh laisiang-tho sung leh thukham sungah omsa vive hi napi, banghangin Nehemiah “heh mah- mah” hiam? Ngeina bangin gamta lo maw, thipi ngaihsutlua zaw maw?
 Nehemiah’ thukhendaan tepen thupi mahmah hi. Lung- kimlohna neite zong, thukham palsat hi tuanlo uh ahih manin, mawk nutsiat lo in, leitung thukhenna sangin ahoihzaw in khensak hi. Hihte pen lungsim thukham a palsat hi bek uhhi. Sum leh pai haksat mahmah laitakin, mimal khat leh khat a kihuh uh kulhi. Pasiannin a ki nengniamte lampan hong pang ding a, mizawngte simmawhna langkhat pan in kamsangte hong paukhia sak ding hi.
 I ngaihsut khak hetloh laitakin, thukham kammalte zui gega napi, muhtheihloh lungsim i suksiat-sak kha thei ding hiam? (Micah 6:8) simin.

 TUESDAY October 29

 NEHEMIAH’ GAMTATNA

 Miliante leh makaite a kitaaina ah, “no leh no leiba manin salin na kila uh hi” (Nehemiah 5: 7) ci giap mahleh, awlmawhlo uhhi. Nehemiah in bel tuate a dona khiam tuanlo veve hi. Miliante leh makaite taaitaai taleh, phatuamlo uh ahih manun, khawl kul tamai hi. Tua gamkuam ah, milian, huzaapneite tawh a kido ahi hi. Gal lianpi nei hi phial mahleh zong, a nasep semzom veve hi.
 Nehemiah 5: 7-12 simin. Nehemiah in amau’thu bangci nial hiam? A khial mipite lampi maan muh kik na’ng banghih hiam?
 Hihthu kikuppih dingin, Israel mipite kaikhawm hi. Mipite kim diimdiam leh, makaite zong, a nenniamnate maizumin khawlbuang ding cih ngiimna ahi hi. Nehemiah nialna penbel saltawh kisai bek ahi hi. Jewte in gamdangte kiangpan a mipihte tampi takmah tanhkik khin uhhi. Makaite in amite zuak ding leh tatkik ding amauthu ahihlam gen hi. Gamdang mite kiangpan tanhkik napi, amau salmah suak sakkik veve thei ding hiam?
 Makaite in tuathu maansa uh ahih manun, bangmah dawngkiklo uhhi. “Note’ gamtatna hoihlo hi. I gal ahi mi- namdangte zahkona i ngahlohna dingin, i Pasian zahtakna tawh nagamtat dinguh kilawm hi” (Nehemiah 5: 9) ci hi. Nehe- miah in a mite an le tui leitawi daanin “Leiba manin mi kilakna phiatni” (Nehemiah 5: 10) naci hi. Unau sanggamte tungah hih ding thukhamte a kipsak ahi hi. Mi khat leh khat ki it ding adeihna a hihi. Ama’ deihna pen mipite leh makai te’n thukimpih ciat uhhi.
 Mi khatpeuh tungah nakhialkha ngei hiam? Thumaan thutak genkhat nahih leh “khial ngeimah” cih ding hilel hi. Tua nakhialhna thoihkik ding bangpeuh in hong khawlkik sakthei hiam?

 WEDNESDAY October 30

 KAMCIAM KHAT

 Nehemiah 5: 12, 13 simin. Kamciam a peelte ading samsiatna, Nehemiah in bang tangko hiam?
 Makaite in amau suhtolh sate piakkik ding thukim ciat mahleh, Nehemiah in kambek tawh lungkim zolo a, thukip thukho dingin, siampite mai ah kiciamsak hi. Tua bang ahihna tawh thukip thukho hong suak in, nidang ciangin zong bul- phuh in kizang kik thei hi. Banghangin samsiatna pulaak se hi ding hiam? Nehemiah in, a puansilh sungah van kaihkhop bangin kaikhawm masa a, tua khit teh, a paai bangin a puan singkhia leuleu hi. Hih kamciam a zuilote in a neihsa uh man- suah ding cihna ahi hi. Tua hunlai ngeina bangin, thukham a kip nadingin, samsiatna santheih kul hi. Tua samsiatna a kihtak manun, thukham zong palsatlo tuampah uhhi. Khan- tohna lian mahmah khat a pian theihna dingin, hihbang in hih ding kisam hi cih amah’n ngaihsun hi.
 Anuai a Lai Siangtholui munte in, hih mite adingin, kamciamte thupit zia hong koici lak hiam? Gamlak 30: 2; Thuhilhkik 23: 21-23; Thuhilhsia 5: 4, 5; Siampi 19: 12; Pi- ancil 26: 31.
 Kampau theihna pen, a vanglian mahmah Pasian’ silpiak a hihi. Ganhing te’n a neihloh, i kilamdanna khat ahi hi. I kammalte sungah, nuntak theihna leh sihtheihna vang omhi. Tua ahih manin, kampauna, kamciamna i awsuah peuhmah i kikem ding hi. I kammalte leh i gamtatnate a kituak ding thupi mahmah hi. Christiante kampau tungtawntin, mi bangzah kikheel in, Christian suakngei hiam?
 Na kammalte in mitung huzaap aneihna phawkin. Bang kammal peuh paukhia a, bang hun a paukhia, koici paukhi- at cihte i koici kidoptheih tammaw?

 THURSDAY October 31

 ETTEHTAAK NEHEMIAH

 Nehemiah 5: 14-19 simin. Nehemiah in, banghangin mipite tungpanin “kumpite annek theihnamte” kalhlo sese hiam? (Neh. 5: 18)
 Nehemiah in hih laite a ciapteh hunpen, Kumpi Artaxerxes kiang a ciahkik khit, Judah gam ukpi a sepkhit kum 12 khitciang ahi hi. Nehemiah in, mipite kiang pan phiangsiah la vetlozaw in, ama’ nuntak na’ng nasemzaw hi. Ama’ thaman bek thamlo, innkuanpihte thaman ding zong vaihawmsak hi. Zerubbabel pen eitheih ngei ukpi masapenpa ahi hi. Nehemiah in “ukpi masate” acih ciangin, Zerubbabel leh amah kikalthu a gen a hihi. Ama zum nasep hunsung in, ama’ sum tampi zangin suplawh dikdek zaw hi. Kumpi ulian khatin a hauhlawh theihna dinmun ah, amah’n tua hauhna zonglo hi. Amahpen mihaupa khat ahih manin, mi tampi annek tuidawn ding piakhia hi (Neh. 5:17, 18).
 Abraham in, a kimkot gamte khutsungpan, ama’ inn- kuante a laakkik lai in ahih tawh (Piancil 14) kibanglian lo na- pi, Nehemiah in tua thukhun mah a zui a hihi.
 Nehemiah 5: 19 simin. Bang a gennuam ahi diam? Lungdamthu tangkona ah, i theihding bang omhiam?
 Nehemiah in, ama phattuam na’ng zonglo in, Topa’na a semtaktak ahi hi. Eima dinmun ciat ah, etteh huai hi. Mantawmno tawh, Topa’ nasepna khawng baih mahmah lel hi.
 Philipians 2:3-8 simin. Eima pumpi kinial cih thukhun- pi, tu mahmah in, nangma pumpi tungpan, koibangin ki- langsak thei ding na hi hiam?

 FRIDAY November 1

 NGAIHSUT BEH DING: EGWhite lai, Kamsangte leh Kumpite laimai 646-652 sung a, “Zawhthawhthu tawh Sumngetna” cihthu simin.
 “Nehemiah in, hihbang ki zawhthawh bawlnate azak ciangin, ‘amau kahna kammalte ka zakciangin, ka heh mah- mah hi’ ci hi. Amah’n ukpi asep dingleh, hih ki nenniamnate susia in, thumaan takin ukding cih ngaihsun hi. A sanggamte noptuamna zonsak dingin, kuankhia in semngiat hi.” EGWhite PK (laimai 648).
 “Zeisu in, a kisam lopi kam mawkciam lohding hong hilh hi. Thumaan taktak ahi, himah, hikei cipeuh un; tua khengvalte peuhmah dawi kiangpan hongpai hi, ci hi” EG- White, Thoughts from the Mount of Blessings, laimai 67.
 “Hih Zeisu’ kammalte in, kammal valkai i paute hong khaam hi. Ahilo pipi ki mawkphatna, thumaan genlohna, kiphatsak kam, thuneu golsakna, sumbawlna ah thumaanloh- na cihte khempeuh hong khaam hi. Ama ombang taktak ahilote, a lungsim sung ombang taktak a paulo te thumaan kici theilo hi” EGWhite, Thoughts from the Mount of Blessings, laimai 68.

 KIKUP DING DOTNATE 

 1. Sumlam leh mimal kizopna khawngah, angkhualna in mikim lungsimtawng ah, banghangin omthei hiam?
 2. Pasian’ mite in, huaihamna koibangin pialthei ding hiam? Pasian in bang hong vaihawmsak hiam? Anuai a teng si- min. Isaiah 58: 3-12 le Micah 6: 6, 8.
 3. I kampau leh i kammalte in vangnei mahmah hi. John 1: 1, 2 sungah, Zeisu in “kammal” a cih ciangin, bang a cihnopna hiam? Kammal leh a khiatnate in bangzah thupi cih koici gending hiam?
 4. A beisa kum 2000 peklai in, Zeisu in, mizawngte note lak- ah omden dinghi acih lamdang nasa hiam? Tuate i huh ding ahi hi. Ei sang a hamsia zawte ading nasem dingin bangci thapiak ding hiam?